|
|
認識主是一生最大的祝福 日期：2013年7月14日
2013/8/18 下午 5:09
題目：認識主是一生最大的祝福 日期：2013年7月14日
聖經：提摩太後書一章7~14節 講道：許昭雄牧師
今主日是開拓教會奉獻主日，所以，我代表台北中會傳道部向咱請安問好，也請咱繼續關心與支持北中傳道部事工。認識主是一生尚大的祝福，我與咱分享與勉勵。
保羅佇提摩太後書一：5教示講：念著你心內無假的信，此個信是代先店佇你的外媽--羅以，及你的老母--友妮基，我深信此個信也是店佇你。保羅先生真清楚教示：佇 神的部份~上帝的話，真理是無任何的錯誤。而且，聖經的啟示是欲利益眾人；佇人的部份~人的心內，對 上帝的信是無虛假的，尤其，保羅先生講到這個信是對以色列的女性，提摩太的外媽與老母所傳落來互提摩太。佇聖經中塊啟示咱啥咪？對上帝的信心與基督的信仰，愛持守及努力一代續接一代，對上帝的信心與基督的信仰，沒因為環境與人所造成的因素，就越來越降低，反倒轉，咱攏是 上帝的百姓，上帝的子兒及查某子，咱的信心愛更加堅定，親像保羅先生看見，這個信是店佇提摩太身上一樣！所以，老父與老母對子兒與查某子的責任真重大；你、我咱每一個 上帝的百姓，咱攏真正重要，咱今主日欲吟的聖詩466首「天頂大開恩典的門」，就是給咱講咱愛將 上帝的恩典去傳給每一個你尚好尚親的親人朋友，呣免懷疑，只要相信。
保羅先生同款對這個信仰堅定的信心，對 上帝不變的疼心，對基督的熱心，傳互提摩太＆教示提摩太，佇聖經提摩太後書一章第七節(中文和合本)記載因為神賜互咱的不是膽怯的心，乃是剛強，仁愛，謹守的心。佇英文版聖經記載這個神是指聖神Spirit God。聖神會不時做工佇咱的身上，聖神也會與咱相結佇塊！聖經記載呣通捉為咱的主耶穌做干証成做見誚，也沒因為保羅先生，伊為著福音受關佇監獄內當做是一件見誚的代誌，總是愛藉著 上帝的能力，為基督福音的緣故受苦。我前曾與咱用聖經來分享，聖經教示咱，福音本來是 上帝的大氣力(大能)用救一切相信的。 上帝呼召咱過一個神聖的生活，是出佇 天父上帝的旨意與恩典；也佇 上帝創造宇宙萬物代先，就佇基督內面，將死廢去，賜咱大家救恩的恩典！所以，不是咱先揀 上帝成做咱的 神，反倒轉是咱的 上帝，是 上帝祂先揀選咱，這是上帝與基督的恩典，也是 上帝的旨意，但是，有真濟人初初呣知影是 上帝的旨意與恩典；也有的人沒認為家己需要 上帝的旨意與恩典，結果，有人是選擇拒絕 上帝的旨意與恩典，有人選擇離開基督的信仰，佇保羅時代就有許米乃與亞歷山大，佇現今的世代拒?上帝的旨意與恩典離開基督信仰比過去擱卡濟。佇現今的世代咱應該愛怎做？才通將認識主是一生尚大的祝福的重要性與真正意義去活出來。
有三個聖經互咱的教示咱愛努力去做的！
(一)彼此相愛與關心、
(二)為這福音做見証去傳福音、
(三)倚靠住佇咱內面的聖神去持守，守住這基督的信仰與聖經的真理。
一、彼此的相愛與關心：
感謝 上帝，我今年去新加坡學習「領袖關懷課程」，這個課程，總共愛有30個禮拜(三十界)的學習。佇兩個禮拜前，我將這個課程正式用佇青年團契，這個禮拜是第二界，這禮拜欲學習凝聚(相結做一伙)；成長；加速這三個課程；這三個課程其實就是用分享的方式，分享歡喜快樂的事；分享艱苦心的事來達到彼此互相的相愛與關心。佇電腦的網路facebook設立一個社?網站，用這網路彼此互相關心與代禱，也互咱的親朋好友進一步來認識咱教會。佇現今的世代，咱教會也?能與這世代脫節，運用電腦的媒體，佇第一時間。不過，咱大家呣通變做低頭族，咱是透過此的分享，通彼此相愛與關心教會的動態與會友的狀況，呣是分享一切就完啊，是愛咱阮進一步付出祈求與代禱，祈求 聖神來扶持與幫贊咱！
二、為這福音做見証去傳福音：
我前有分享過，聖經記載福音本是上帝的權能,請咱來看羅馬人書一：16~17節(新約171頁)因為我無掠福音做見誚，因為是上帝的權能欲救攏總信的人，代先猶太，後來希利尼。因為佇福音的內面有顯明上帝的義：對信到佇信。照聖經所記載講：義的人欲對信來活；中文和合本記載我不以福音為恥；這福音本是 神的大能，要救一切相信的，先是猶太人，後是希臘人。因為 神的義正在這福音上顯明出來；這義是本於信，以至於信。如經上所記：「義人必因信得生。」上帝的權能(上帝的大能)互咱的啟示是啥咪？愛咱去信到路尾，也就是無論佇任何環境與狀況對 上帝的真理與基督的信仰這個信是永遠沒改變。佇教會的fb，咱看著咱教會的建立，是出佇 上帝的帶領；咱看見游老長老佇病痛危急中，上帝聽咱眾人的祈禱，游老長老得醫治，這是出佇聖神的扶持與幫贊。佇咱教會fb，咱看見楊長老有一個可愛的寶貝孫仔，我稱伊做楊Baby，因為，兒女(咱的子兒與查某子與孫仔)這攏是耶和華上帝所賞賜的產業。這些與發生佇你、我，咱身上的攏是 上帝的恩典與旨意，佇基督耶穌的內面所賜互咱的，咱攏愛為這福音去做見証去傳福音互咱的至好的親人與朋友，做伙來得到福音的好處。有一位初信主的姊妹，邀請我到病院探訪，當然，我真歡迎去做這工，因為，引帶人信主這個好的機會，這個機會是 上帝所賞賜的，攏愛好好仔保握！
三.倚靠聖神去持守住這基督的信仰與聖經的真理。
咱攏知影咱不是完全的，所以，聖經教示咱愛怎樣做？聖經教咱佇舊約撒迦利亞書四：6(舊約1048頁)上帝互所巴伯的應允：呣是用權勢，呣是用能力，就是用我的神。這是萬軍的耶和華講的。中文和合本聖經記載~不是倚靠勢力，不是倚靠才能，乃是倚靠我的靈(神的靈)方能成事。咱攏是沒完全的，沒完美的，但是，因為 主耶穌互咱有新的活命，倚靠聖神就對啊；認識主是咱一生尚大的祝福，這個祝福是 上帝的恩典及旨意；主耶穌基督的恩典所應允的，欲祝福你、祝福我、祝福咱大家，一切榮光歸 上帝。
|
討論版